Bedri Greca nuk do të jetë më pjesë e Kastriotit për sezonin e ardhshëm. Mesfushori mësohet se nuk ka rinovuar kontratën me krutanët. Ndonëse ishte një nga emrat më të rëndësishëm të sezonit 2021-2022 te Kastrioti, 31-vjeçari ka vendosur që ta mbyllë këtu eksperiencën e tij te ekipi i krutanëve.
Gjatë sezonit që u mbyll, Greca luajti në 32 ndeshje me Abissnet Superiore dhe Kupës së Shqipërisë dhe në to shënoi në total 7 gola.
Ende nuk dihet se cili do të jetë destinacioni i ardhshëm i Grecës, ndërsa në të kaluarën ka luajtur me Tiranën, Kukësin dhe Laçin, nga klubet shqiptare që vijojnë të jenë në Superligë.