Mengjesi i kësaj të diele vjen me një lajm të trishtë nga Korça. Është ndarë nga jeta në moshën 63-vjeçare Milutin Kërçiç, një ikone e futbollit korçar, i cili spikati mes lojtarëve të brezit të artë të viteve ‘70-’80. Gjithashtu ai ka qenë pjesë e stafit të Skënderbeut, si ndihmës trajner, gjatë sezonit 2010-2011. Milutini vijoi punën pranë skuadrës edhe si përkthyes për lojtarët sllavë, duke dhënë kontributin e tij në ndërtimin e Skënderbeut të madh, që shkoi deri në fazën e gruoeve të Europa League.
Për ndarjen nga jeta të Milutin Kërçiç reagoi me një mesazh ngushëllimi edhe klubi i Skënderbeut’
“Është ndarë nga jeta në moshën 63-vjeçare, Milutin Kërçiç, ikona dhe legjenda e klubit.
Klubi i Futbollit “Skënderbeu” shpreh ngushëllimet më të sinqerta familjarëve për ndarjen nga jeta të njeriut të tyre të dashur.
Një humbje e madhe për komunitetin sportdashës dhe për të gjithë ata që u rriten dhe përjetuan Futbollin magjik nga këmbët e Milit.
U prehsh në paqe kampion!”