Janë ditë të vështira për Karim Benzemanë. Sulmuesi i Realit të Madridit mjoftoi tërheqjen nga skuadra franceze, ndikuar, me sa duket, edhe nga përplasja me trajnerin Deschamps.
Lajmi vjen në një ditë emocionesh të forta për dy arsye: humbja e Francës në një finale dramatike të Kupës së Botës në Katar dhe, për më tepër, në ditën e ditëlindjes së tij të 35-të. E dashura e tij, modelja amerikane, Jordan Ozuna, i ka dërguar një mesazh përmes llogarisë personale në Instagram.
“Gëzuar ditëlindjen, dashuria ime dhe miku im më i mirë”, ka shkruar ajo, tekst që është shoqëruar me një zemër dhe tri fotografi ku çifti shfaqet duke buzëqeshur.
Vetë lojtari i Real Madridit i është përgjigjur publikimit me një zemër, duke falënderuar publikisht partneren e tij.
Në vetëm dy orë mesazhi i Jordan Ozunas ka marrë më shumë se 50 mijë pëlqime. Ndjekësit e saj janë gëzuar shumë për momentin e mirë që po kalon çifti.