Presidenti i FIFA-s, Gianni Infantino, ishte i gatshëm të mbështeste Superligën, projekt i ideuar nga klubet më në zë në Evropë. Këtë e zbuloi presidenti i Barcelonës, Joan Laporta, në dokumentarin për Superligën e transmetuar në “Apple TV”.
Numri 1 i klubit “blaugrana” shfaqet në intervistë në këtë dokumentar, ku thekson gjithashtu se Gianni Infantino ishte i hapur për bisedime në lidhje me projektin e ri.
“Infantino po zhvillon kompeticionin e tij, një Kupë Bote për klube, duke e bërë atë më të madh dhe ne e respektojmë këtë projekt, sepse duket shumë tërheqës. Ai ishte i hapur për të folur për Superligën, duke demonstruar sesi presidenti i FIFA-s ishte i gatshëm të hapte një dialog me klubet”.
