Gareth Bale i ka ditët të numëruara te Real Madridi. Sulmuesi uellsian nuk është grumbulluar për takimin e radhës në La Liga me Real Sociedadin në transfertë. E njëjta gjë ka ndodhur edhe në takimin e javës së kaluar me Villarrealin.
Mediet spanjolle kanë shkruar Bale dëshiron të qëndrojë në klub sezonin e ardhshëm, por “AS” shtoi se Zidane është i vendosur ta largojë, pasi dëshiron të rifreskojë skuadrën me elementë të rinj.
Ish-lojtari i Tottenhamit ka edhe tre vjet kontratë me “Los Blancos”, por fakti që klubi mbretëror dëshiron ta largojë me çdo kusht do të thotë se pretenduesit e mundshëm mund t’i sigurojnë shërbimet e futbollistit për një çmim të lirë.