Brigitte Henriques, presidentja e Komitetit Olimpik Francez, dha dorëheqjen këtë të enjte, 14 muaj para Lojërave Olimpike “Paris 2024”.
Ish-zëvendëspresidentja e Federatës Franceze të Futbollit (FFF) ka dhënë dorëheqjen pas një viti e gjysmë të trazuar, të karakterizuar nga konflikte dhe rivalitete të brendshme me paraardhësin e saj, Denis Masseglia.
Sekretarja e përgjithshme, Astrid Guyart, do të jetë në krye të drejtimit të organizatës në mënyrë të përkohshme, deri në zgjedhjen e presidentit të ri (zgjedhjet do të mbahen në tre muajt e ardhshëm).
Lexo edhe:
- Bayern kthehet nga City, kërkon sulmuesin kampion bote
- PSG mendon seriozisht për Hernandez, nisin kontaktet e para
- Mesfushori i Wolves refuzon Arsenal-in, pret vetëm ofertën e Barcelonës
- Dikur titullarë, sot të padëshiruar, Marseille nxjerr në merkato dy lojtarë
Komitetit Olimpik Francez është përballur me një klimë tejet të paqëndrueshme, me më shumë se një vit e gjysmë krizë, mes kërcënimeve, denoncimeve dhe shkëmbimeve me email me median. Pika e thyerjes u arrit pasi Denis Masseglia ngriti një padi kundër Brigitte Henriques për shkelje të besimit.
