Në fund të këtij sezoni, David Silva do të largohet nga Manchester City. Vendimi është marrë dhe është bërë publik prej kohësh, por fantazisti spanjoll dëshiroi të sqaronte situatën.
33-vjeçari, që është pjesë e Citizens që nga viti 2010, kur u transferua nga Valencia, deklaroi se për të ishte një vendim i vështirë, pasi luan për këto ngjyra prej një kohe të gjatë, por çdo gjë e bukur e ka një fund. Ai theksoi se dëshiron të largohet në nivele të larta “duke lënë një kujtim të bukur për skuadrën”.
Spanjolli pohoi se ekipi ka ndryshuar shumë dhe është përmirësuar, për këtë ai e ka të vështirë që të qëndrojë, prandaj ka vendosur të largohet.
