Keita Balde u rrit në akademinë e Barcelonës, me ekipin katalanas nuk luajti kurrë, ndërkohë që provoi eksperienca në Itali me Interin, Lazion, Sampdorian dhe Cagliarin, por edhe me Monacon në Francë.
Sulmuesi nga Senegali, i cili fitoi Kupën e Kombeve të Afrikës vitin e kaluar me kombëtaren e tij, ka vendosur të vazhdojë karrierën në Rusi. 27-vjeçari ka firmosur deri në vitin 2025 me Spartakun e Moskës.
Afrim me parametra zero për klubin kryeqytetas, që synon fitimin e titullit kampion në Rusi, trofe që Spartakut i mungon prej vitit 2017.
Keita Balde ishte pjesë e Cagliarit në sezonin e fundit, teksa tani është gati të riniset nga Rusia. Lojtari shpreson të bëjë sa më mirë me Spartakun për të marrë një ftesë nga kombëtarja afrikane në Botërorin e Katarit.
Senegali është pjesë e grupit A, aty ku do të ketë si kundërshtarë vendasit e Katarit, Holandën dhe Ekuadorin.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
