Zikaltrit e Interit, që sezonin e fundit mbërritën në finalen e Champions League, nisin sonte në mbrëmje rrugëtimin europian përballë Real Sociedad.
Përpara transfertës baske, goleadori dhe kapiteni i skuadrës italiane, Lautaro Martinez theksoi se ndihet i lumtur tek Interi.
Ndërkohë që vlerësoi edhe rivalët spanjollë, një ekip që guxon dhe luan futboll të bukur.
Lexoni edhe:
- “Tërmet” te Marseille, trajneri Marcelino jep dorëheqjen
- Pasuesi i Flick, Gjermania gjen trajnerin e ri për Europianin e shtëpisë
- Edicioni i pestë i FSHF Sunday League / Hidhet shorti dhe përcaktohet kalendari i kampionatit amator 9×9
- Napoli fiton sigurinë në prapavijë, rikuperohet Rrahmani
“Ndihem shumë i lumtur tek Interi. Jam i lumtur që luftoj për këtë fanellë dhe tifozët e mrekullueshëm që kemi.
Real Sociedad? Ata janë një ekip që luan gjithmonë me grintë dhe vendosmëri. Kanë lojtarë të shkëlqyer.
Duhet të zhvillojmë një ndeshje shumë të kujdesshme, sepse Sociedadi punon shumë mirë në hapësira”, theksoi kampioni i botës me Argjentinën.
Djemtë e Simone Inzaghit e kanë filluar “zjarr” sezonin e ri në Serie A, aty ku kryesojnë me 12 pikë të plota.
Trajneri dhe tifozët shpresojnë që ecuria fantastike të vijojë edhe në grupet e Champions League. Benfica dhe Salzburg plotësojnë grupin D.
