Ëndrra titull vazhdon për Lazion. Bardhekaltrit e Simone Inzaghit mposhtën Interin 2-1 me përmbysje në Olimpico dhe e çuan në plot 19 numrin e ndeshjeve pa humbje në Serie A, disfatën e fundit e kanë pikërisht ndaj Interit në fazën e parë në San Siro. Ishte një Lazio me më shumë dëshirë ajo që zbriti në fushën e lojës dhe që tronditi traversën me Milinkovic-Savic pas vetëm pak minutash, gjithsesi reagimi i Interit nuk mungoi që pasi humbi një shans të artë me Lukakun arriti të gjente avantazhin në minutën e 44-t me Ashley Young që përfitoi nga topi i kthyer nga Strakosha pas goditjes së Candrevës. Por pjesa e dytë nisi me një Lazio që fitoi menjëherë një 11-metërsh me Immobilen të cilin e kthehu në gol vetë golashënuesi më i mirë i kampionatit autor i 26 golave tashmë. Me një Inter të trembur që i lejoi fushën Lazios, bardhekaltrit gjetën edhe golin e fitores me Milinkovic-Savic në minutën e 69-të. Interi nuk arriti të reagonte me Lazion që e adiminstroi avantazhin deri në fund duke u ngjitur në kuotën e 56 pikëve në vendin e dytë të renditjes me një pikë më pak se Juventusi kryesues, por me këtë sukses kryeqytetasit zbritën edhe zikaltrit në vendin e 3-të që mbetën me 54 pikë.
