Lazio mposht mes polemikave Fiorentinën dhe rikthehet te fitorja në Serie A pas 2 barazimesh radhazi. Në sfidën që mbylli javën e 10-të të Serie A, bardhekaltrit i nderoi goli i Ciro Immobiles në minutën e 89-të, një finalizim për të cilin Fiorentina protestoi shumë pasi në fillimin aksionit të golit të Lazios, vjollcët pretenduan për një faull, por arbitri Guida dhe VAR e vlerësuan si të rregullt. Në pjesën e parë Lazio kaloi fillimisht në avantazh me Joaquin Correan por Fiorentina barazoi shumë shpejt me Federicon Chiesën që i shërbyer nga Ribery mposhti Strakoshën. Megjithatë në fund Lazio doli me 3 pikë nga Artemio Franchi duke marrë një fitore shumë të rëndësishme. Ndërkohë për t’u përmendur edhe një penallti e humbur nga Caicedo në minutën e 7-të shtesë me Ranierin që mori kartonin e dytë të verdhë duke lënë Fiorentinën me një lojtar më pak.
