Pavarësisht startit të kampionatit me dy humbje, Lazio është ringritur dhe sot në transfertën ndaj Udineses ka triumfuar me rezultatin 1-2, duke shënuar edhe fitoren e katërt radhazi.
Në Friuli gjithçka u zhvillua në pjesën e dytë, me Acerbin që shënoi në minutën e 63-të dhe më pas me Correan, i cili dërgoi topin në rrjetë pas një aksioni mjaft të bukur personal në të 66-ën.
Udinese u zgjua dhe rihapi takimin në minutën e 80’, por minutat e mbetura, bashkë me ato 6 shtesë të akorduara nga gjyqtari, nuk mjaftuan për të ndryshuar rezultatin.
Me këtë fitore Lazio shkon në kuotën e 12 pikëve, aq sa aktualisht ka vetëm Napoli, ndërsa në fundjavë shkon e qetë në derbin e kryeqytetit me Romën, që do të luhet të shtunën në mbrëmje në “Olimpico”.