Sulmuesi portugez Rafael Leao është thyer në Milano i dëmtuar dhe do t’i duhet të qëndrojë të paktën 14 ditë jashtë fushave të lojës, ndaj rrjedhimisht nuk do të jetë në dispozicion të trajnerit Daniele Bonera për transfertën ndaj Napolit.
Gjithsesi portugezi është mungesa e vetme e Milanit mes futbollistëve, pasi me skuadrën nuk do të udhëtojnë as Stefano Pioli e ndihmësi i tij, që kanë rezultuar të prekur nga koronavirusi, ndërsa është rikuperuar plotësisht kroati Ante Rebiç.
Nga ana tjetër nuk është aspak i qetë Gennaro Gattuso, që po llogarit si mungesë të sigurt mbrojtësin shqiptar Elseid Hysajn, ndërsa në dyshim janë edhe portieri Ospina, mesfushori Bakayoko dhe sulmuesi Osimhen.
Të tre këta kanë shfaqur problem ditët e fundit, megjithatë Gattuso është optimist që të ketë në dispozicion Bakayoko dhe dy të tjerët t’i marrë të paktën në pankinë, për t’i përdorur në ndeshje e sipër, nëse do të jetë nevoja.