Lecce vijon të gjuajë talentet e klubeve të mëdha italiane për të përforcuar organikën, teksa një ditë më parë arriti marrëveshjen për të marrë në huazim me të drejtë blerjeje mbrojtësin Gianluca Frabotta nga Juventusi.
Së fundi klubi jugor, që siguroi ngjitjen në Itali, ka arritur marrëveshjen me Milanin për huazimin e sulmuesit të talentuar, Lorenzo Colombo, i cili do t’i bashkohet Lecces në huazim të thjeshtë për një sezon.
Sulmuesi që luan edhe me Italinë U21, nuk ka gjetur hapësira te kuqezinjtë dhe sezonin që lamë pas u huazua te Spali në Serinë B, ndërsa tani do të provojë një eksperiencë në elitën e futbollit italiamn.
