Connect with us

Hi, what are you looking for?

Formula 1

Leclerc optimist para garës arabe: Makina i ka tejkaluar pritshmëritë

Leclerc optimist para garës arabe: Makina i ka tejkaluar pritshmëritë
Leclerc optimist para garës arabe: Makina i ka tejkaluar pritshmëritë

Gara e parë e sezonit të ri në Formula 1 solli vetëm vendin e katërt për piloten e Ferrarit Charles Leclerc, i cili ndonëse u nis i dyti, nuk arriti të bëjë më mirë edhe për shkak të një problemi me sistemin e frenimit.

Megjithatë gara e Bahreinit është hedhur menjëherë pas, sepse këtë pasdite makinat e Formulës 1 do të zbresin në pistën e Xhedahut në Arabinë Saudite për sesionin e parë dhe të dytë të provave të lira, me të tretin dhe provat zyrtare të planifikuara për të premten dhe garën për të shtunën.

Piloti nga Monaco, i cili drejton njëvendëshen SF-24, është shfaqur mjaft optimist për një performancë edhe më të mirë në garën e dytë, teksa ka deklaruar se makina është përmirësuar ndjeshëm krahasuar me një vit më parë.

Lexo edhe:

“Makina duket se shkon edhe më mirë sesa e prisnim dhe jemi të kënaqur, megjithatë është ende herët për të bërë konkluzione, pasi është zhvilluar vetëm një garë. Nëse do të mbajmë këtë performancë, jam i bindur që këtë sezon do të jemi shumë më konkurrues, megjithatë dihet që Red Bull është një hap përpara të gjithëve. Problemi me sistemin e frenimit ishte diçka e izoluar, që nuk besoj se do të ndodhë sërish”, u shpreh piloti i Ferrarit.

Provat e lira, ato zyrtare dhe garat e Formulës 1 mund t’i ndiqni në Euronews, kanalin numër 51 në paketën DigitAlb.

Lajme të tjera

Futboll

Vinicius Junior ka përfunduar në shënjestrën e ish-futbollistit brazilian, Carlos Alberto Gomes, i njohur si Pintinho. Ky i fundit që ka bërë karrierë në...

Euro 2024

Një përplasje e rëndë ndodhi në ndeshjen Skoci-Hungari, me lojtarin e hungarezëve Barnabas Varga që ka rënë pa ndjenja në tokë pas tronditjes së...

Kombëtare

Armando Broja do të largohet nga Chelsea këtë verë. Për sulmuesin ka patur oferta nga disa skuadra europiane, por SuperSport mëson ekskluzivisht nga burime...

Euro 2024

Trajneri i Spanjës, Luis De La Fuente tha për mediet në prag të ndeshjes ndaj Shqipërisë që luhet këtë të hënë për llogari të...