Manchester United ka nisur tashmë seriozisht nga puna në merkato teksa ka zyrtarizuar dy transferimet e para teksa fjala është për mbrojtësin e krahut të majtë Tyrell Malacia si dhe mesfushorin Christian Eriksen. I radhës në listë për të nëshkruar është Lisandro Martinez që ka udhëtuar drejt Manchesterit për të zyrtarizuar transferimin nga Ajax teksa shifra që “Djajtë e Kuq” do të shpenzojnë për argjentinasin shkon në 55 milionë euro plus bonuse teksa për lojtarin është përgatitur një kontratë deri në vitin 2027.
Pritshmëritë për 24-vjeçarin janë të larta, teksa edhe legjenda e United, Rio Ferdinand thekson se djaloshi ka karakter dhe është një lider i lindur, pikërisht ajo çfarë ka munguar në skuadër përgjatë këtyre sezoneve.
“Sa më shumë e shoh dhe sa më shumë histori dëgjoj rreth tij, aq më shumë më bind. Dëgjova Timber (lojtar i Ajax dhe shok skuadre i Martinez) i cili theksoi se Martinez i bërtet dhe e “kërcënon” gjatë ndeshjeve. Unë prej kohësh kam bërë thirrje që në skuadrën e United mungon karakteri dhe më duket se Martinez është një lider. Ai është një lojtar shumë fizik dhe kërkon kontaktet, megjithatë di shumë mirë edhe të luaj futboll”, u shpreh Ferdinand.
