Edhe pse nga Kupa e Botës ka mbetur vetëm një ndeshje për t’u luajtur, ajo më e rëndësishmja në fakt, finalja Argjentinë-Franca, sërish zgjedhja për të organizuar turneun në Katar vijon të sjellë polemika.
Së fundmi, ai që “sulmon” presidentin e FIFA-s, Gianni Infatino është legjenda e Gjermanisë, Philipp Lahm. Ish-mbrojtësi thekson se Infantino është një person pa integritet, ndërsa shtoi se ai përfiton nga futbolli.
“FIFA vijon të humbasë besueshmëri. Më duket sikur Infantino nuk merr vendime në favor të futbollit, më duket një person pa integritet. Nuk kërkon të sjellë ndryshimin në futboll, por të përfitojë prej tij. Ky është një problem i madh për FIFA-n që zgjiidhet vetëm duke u treguar të arsyeshëm në vendime, por mbi të gjitha transparent”, u shpreh Lahm.
