Manuel Neuer ka përfunduar në qendër të kritikave pas një interviste të disa ditëve më parë ku kritikoi drejtuesit për shkarkimin e trajnerit të portierëve, Toni Tapalovic. Gardiani theksoi se klubi gjeti momentin e gabuar për të larguar një nga miqtë e tij më të mirë, pikërisht në çastin kur ai është i dëmtuar dhe ndjehet keq nga ana psikologjike.
Megjithatë, një kundërpërgjigje për këtë vjen nga Lothar Matthaus i cili thekson se Neuer ka gabimet e veta dhe se nuk mund të flasë kundër klubit në një intervistë e cila ishte e paautorizuar nga ana e drejtuesve bavarezë.
“Tani po flasim për Neuer që u dëmtua duke bërë ski, kuptoni? Pësoi një dëmtim vetëm nga neglizhenca dhe tani shkon e jep një intervistë të paautorizuar nga klubi. Madje, “vjell vrer” kundër klubit. A nuk ishte Neuer që para disa ditëve tha se askush nuk ishte mbi klubin?
Ajo që më nervozoi më shumë në intervistën e Neuer ishin fjalët e ekzagjeruara, tha që ndjehej sikur i kishte dalë zemra nga vendi. Por, e vërteta është se askush nuk vdiq, asnjë fëmijë nuk është i sëmurë. Thjesht, një punonjës i klubit u shkarkua nga posti që mbante”, u shpreh Matthaus.
