Connect with us

Hi, what are you looking for?

Futboll

Legjionarët/ Shkëlqejnë Bajrami dhe Roshi, shënojnë edhe Manaj e Seferi

Java që sapo lamë pas ka qenë mjaft pozitive për një pjesë të madhe të legjionarëve kuqezi në klubet e tyre. Gola, asiste, paraqitje mjaft të mira e vlerësime të larta kanë marrë disa prej lojtarëve shqiptarë që aktivizohen në kampionatet jashtë vendit.

Nedim Bajrami ishte një prej protagonistëve kryesor në kampionatin italian. Mesfushori kuqezi shkëlqeu në fushë me Sassuolon në ndeshjen ndaj Salernitana, teksa fillimisht asistoi  për golin e parë që u shënua nga Lauriente. Në fundin e pjesës së parë Bajrami gjeti edhe rrugën e rrjetës duke i çuar shifrat në 2-0 për Sassuolon. Në fund takimi përfundoi në barazim 2-2, ndërsa Bajrami ishte lojtari më i mirë në fushë, i vlerësuar me notën 8.5 nga sajti i specializuar për statistika sofascore.

Lexo edhe: 

Në Turqi, Rey Manaj shënoi golin e vetëm në takimin Sivasspor – Karagumruk dhe i dhuroi fitoren skuadrës së tij. Sulmuesi kuqezi arriti kuotën e 16-të realizime në kampionat, teksa më mirë se ai kanë bërë vetëm Mauro Icardi (18) dhe Edin Dzeko (19).

Këtë javë në kampionatin turk shkëlqeu edhe Odise Roshi. Mesfushori kuqezi ishte protagonisti kryesor për skuadrën e tij Sakaryaspor në fitoren 2-0 ndaj Buluspor. Fillimisht Roshi shërbeu saktë për shokun e skuadrës në minutën e 3-të të takimit, ndërsa në fundin e pjesës së parë gjeti edhe rrugën e rrjetës duke vulosur fitoren e Sakaryaspor. Pas përfundimit të ndeshjes, Roshi u vlerësua edhe si lojtari më i mirë me notën 8.6 nga sajti i specializuar për statistika sofascore.

Në Emiratet e Bashkuara Arabe, rrugën e rrjetës e gjeti Taulant Seferi. Sulmuesi kuqezi shënoi golin e vetëm të skuadrës së tij Bani Yas, në humbjen 3-1 ndaj Al Wahda. Seferi e nisi si titullar dhe realizoi një gol mjaft të bukur në minutën e 53-të, i shtati këtë sezon në kampionat për sulmuesi kuqezi.

Lexo edhe: 

Naser Aliji vijon të dhurojë paraqitje pozitive në kampionatin rumun. Mbrojtësi kuqezi dha kontributin e tij me një asist në fitoren 4-0 të Voluntari ndaj Petrolul. Aliji shërbeu saktë për shokun e skuadrës Rata, që zhbllokoi takimin në minutën e 20-të.

Titullarë me skuadrat e tyre u aktivizuan edhe Elhan Kastrati, Berat Gjimshiti, Enea Mihaj, Frederic Veseli, Jon Mersinaj, Ylber Ramadani, Myrto Uzuni, Ernest Muçi, Arbnor Muçolli dhe Sokol Cikalleshi, ndërkohë dhanë kontributin e tyre si zëvendësues edhe Marash Kumbulla, Mario Mitaj, Keidi Bare, Arbnor Muja, Jasir Asani dhe Armando Broja.

Lajme të tjera

Futboll

Jose Mourinho është gati të kthehet në pankinë, pas shkarkimit nga Roma muaj më parë. Portugezi do të marrë drejtimin e Beshiktashit, ekip ku...

Premier League

Brighton zyrtarizon largimin e De Zerbit. Klubi anglez ka bërë me dije nëpërmjet një komunikate zyrtare, se trajneri italian do të largohet në fund...

Featured

Me një letër të hapur të publikuar në faqen zyrtare të klubit, presidenti i Inter-it, Steven Zhang u shkruan tifozëve, duke pranuar vështirësitë financiare...

Serie A

Milani ndan mendjen për trajnerin e ri. Klubi kuqezi duket i vendosur të mbyllë bashkëpunimin me Stefano Piolin në fund të sezonit dhe duket...