Largimi i Harry Maguire nga Leicester drejt Manchester United, ka lënë një boshllëk të madh në repartin mbrojtës të skuadrës. Drejtuesit e “Dhelprave” nuk duan të humbasin kohë, pasi merkato në Angli mbyllet më 8 Gusht dhe për këtë kanë nisur menjëherë nga puna për të gjetur zëvendësuesin e 26-vjeçarit. Objektivi kryesor i klubit nga “King Power Stadium” është Djene Dakonam, që aktivizohet me Getafe. Për të arritur te kartoni i 27-vjeçarit, klubi anglez duhet të paguajë klauzolën prej 35 milionë eurosh që përfshihet në kontratën e tij.