Skuadra e Leipzigut merr, të paktën për 24 orë, kreun e renditjes në Bundesligë, pas fitores 0-3 në fushën e Dusseldorfit.
Dominimi i ekipit të drejtuar nga Nagelsmann u kuptua që në minutat e para, pasi pa u mbushur 60 sekonda lojë ish-futbollisti i Romës, Patrick Schick, realizoi golin e parë për miqtë.
Leipzigu u dha goditje të rëndë shpresave të Dusseldorfit për rezultat pozitiv në minutën e 58-të, kur Werner realizoi nga pika e bardhë e penalltisë.
Gjithçka përfundoi kur në minutën e 75-të Mukiele shënoi golin e rezultatit përfundimtar 0-3. Leipzigu me këtë sukses parakalon Borussian e Moenchengladbachut, që luan këtë të diel me Wolfsburgun në transfertë.