Nijas Lena zbuloi në lidhjen me “Gol pas Goli” se drejtuesit e Teutës u kishin premtuar shpërblim futbollistëve, nëse do të ktheheshim me pikë të plota nga Vlora. Mesfushori i durrsakëve tha se barazimi mbetet një rezultat i kënaqshëm.
E dinim që na priste një ndeshje e vështirë. Flamurtari ka bërë mirë deri më tani. Jam i kënaqur me barazimin. Nuk erdhëm për t’u mbrojtur, megjithatë na kënaq pika e marrë. Në rast fitoreje, do të kishim shpërblim nga drejtuesit, por nuk arritëm ta merrnim.
I pyetur për rastin e pretenduar për gol nga vlonjatët, Lena u shpreh:
Kam qenë diku te pika e penalltisë. Kam qenë larg. Është e vështirë të dallohet nga pamjet filmike. Për mua është e kotë të them ka qenë apo nuk ka qenë gol. Arbitri nuk e akordoi e kjo do të thotë që nuk ka qenë gol.
Por e janë ridimensionuar objektivat e Teutës pas rezultateve pozitive në ndeshjet e fundit?
Objektivi ynë edhe në fillim të sezonit kanë qenë Kupat e Europës. Nuk jemi ne realisht ekipi për t’u shpallur kampion. Ka ekipe të tjera me më tepër eksperiencë, diçka që Teutës i mungon.
