Bayer Leverkusen mban gjallë shpresat për një vend në zonën Champions, pasi mposhti pasditen e sotme Eintrachtin e Frankfurtit me rezultatin e thellë 4-0 dhe u ngjit përkohësisht në vendin e katër të renditjes, duke parakaluar Borussia Monchengladbach.
“Aspirinat” dominuan takimin dhe arritën të kalojnë në avantazh që në minutën e katërt me anë të talentit Kai Havertz, ndërsa 10 minuta më vonë ishte Karim Bellarabi, që dyfishoi shifrat. Rezultati u vulos në pjesën e dytë, kur braziliani Paulinho shënoi edhe dy herë të tjera në portën e miqve.
Fitore mori edhe Freiburgu, që mposhti Unioni Berlinin me rezultatin 3-1 dhe u fut plotësisht në garë për një vend në zonën që të çon në Europa League. Sallai, Gunther dhe Koch shënuan për vendasit, ndërsa Andersson rihapi përkohësisht takimin për miqtë nga Berlini.
Në sfidat e tjera të zhvilluara këtë pasdite, Schalke 04 u ndal nga Hoffenhaim në barazim 1-4, Werder Bremen mori një pikë në transfertën ndaj Herthës së Berlinit, falë barazimit 2-2, ndërsa takimi Wolfsbourg-Leipzig u mbyll pa gola.
