Bayer Leverkuseni siguroi fitoren e tretë radhazi në Bundesligë, në kurriz të Augsburgut, e tashmë e sheh veten shumë pranë zonën Champions (për çështje golaverazhi). “Aspirinat” triumfuan 2-0 në “BayArena” përballë bavarezëve, duke shënuar nga një gol në çdo pjesë.
Në minutën e 25-të Diaby u shkëput me shpejtësi nga e majta dhe pasi u shërbye nga Havertz, nuk e pati të vështirë të mposhtte portierin.
Në pjesën e dytë mbylli llogaritë me Augsburgun me një goditje të befasishme në hyrje të zonës.
Vijon rënien e lirë Mainzi, që pësoi 4 gola në transfertë përballë Wolfsburgut. Për “ujqit” shënuan në pjesën e parë Brekalo dhe Steffen, ndërsa në fraksionin e dytë realizuan Gerhardt dhe sërish Steffen.