Asnjë fitore e skuadrave vendëse në 3 ndeshjet e orës 21:00 të fazës së 1/8-ave të Europa League-s. Glasgow Rangers u mposht 1-3 brenda në “Imbrox Stadium” nga Bayer Leverkusen, duke qenë me një këmbë jashtë kompeticionit.
Skuadra e drejtuar nga Steven Gerrard, përtej mbështetjes së madhe të tifozëve, nuk ia doli të merrte rezultat pozitiv, që do të krijonte optimizëm për kualifikimin. Talenti i “Aspirinave”, Havertz, zhbllokoi takimin me 11-metërsh në pjesën e parë, ndërsa në të 67-ën Aranguiz realizoi golin e dytë për miqtë, para se Edmundson të kthente për momentin shpresën për Rangers me golin e 1-2. Në momentet kur skuadra skoceze po bënte përpjekjet e fundit për të barazuar shifrat, Bailey realizoi golin e knockout-it (1-3), çka e bën edhe më të vështirë përmbysjen e rezultatin në “BayArena”.
Humbje disi e papritur (1-2) e Wolfsburgut në shtëpi me Shaktar Donetsk, me të tre golat e takimit që u shënuan në fraksionin e dytë. Ndërkohë, gjatë pjesës së parë të dyja skuadrat humbën nga një 11-metërsh (Kovalenko 22’ dhe Weghorst 45+2’), por ukrainasit e kishin zhbllokuar rezutatin që në minutën e 17-të em Moraes. Në fillim të pjesës së dytë barazoi përkohësisht Brooks, pasi Amtonio shënoi golin e fitores për Donetskun (1-2) në minutën e 73-të.
Edhe pse luajti me një lojtar më pak që nga minuta e 29-të (u ndëshkua me të kuq Semedo), Olympiacosi ia doli të shmangte humbjen në shtëpi ndaj Wolves, madje kaloi i pari në epërsi me El Arabin (54’), para se Neto të kthente baraspeshën në rezultat (1-1) vetëm 13 minuta më vonë (67’).