Heiko Herrlich nuk është më trajner i Bayer Leverkusenit. Klubi i Bundesligës ka njoftuar se ka shkarkuar nga detyra 47-vjeçarin dhe ndihmësin e tij, Nico Schneck, me efekt të menjëhershën, pavarësisht fitores së fundit të arritur kundër Herthës së Berlinit. Pasuesi i Herrlich në stolin e “aspirinave” do të jetë Peter Bosz. 55-vjeçari që arriti deri në finalen e Europa League në krye të Ajaxit të Amsterdamit ( e humbur përballë Unites në vitin 2017) ka firmosur një kontratë me kohëzgjatje 1 vit e gjysmë, pra deri në qershor të vitit 2020.
