Pas barazimit javën e kaluar në transfertën ndaj Leipzig, Bayern Munchen u rikthye te fitorja, duke mposhtur bindshëm 4-0 Kolnin në sfidën e zhvilluar në “Allianz Arena”.
Bavarezët zhbllokuan sfidën me Lewandowskin që në minutën e tretë, ndërsa në të 48-ën polaku dyfishoi shifrat, duke shënuar edhe golin e 9 personal, në vetëm 5 javë kampionat.
Pati vend për festë edhe për dy nga blerjet e verës, si Philippe Coutiho dhe Ivan Perisic që shënuan përkatësisht golin e tretë dhe të katërt për bavarezët, duke vulosur suksesin bindës.
U rikthye te fitorja edhe Bayer Leverkusen, që mposhti me rezultatin 2-0 Union Berlinin, me dy gola të shënuar brenda 5 minutave, me Volland në minutën e 20’ dhe Alaroin në të 25-ën.
Amir Abrashi pa nga stoli ndeshjen ku Fraiburgu i tij barazoi 1-0 me Augsburgun, ndërsa Jurgen Gjasula ishte titullar në sfidën që Paderborni i tij humbi me rezultatin 2-1 në transfertën ndaj Herthës së Berlinit.
Shtatlarti kuqezi qëndroi në fushë për 78 minuta, duke bërë një ndeshje mjaft të mirë dhe duke u ndëshkuar edhe me një karton të verdhë.