Skënderbeu mori një pikë me shumë vlera në Laç në një transfertë delikate, 1 pikë që rrit shpresat për mbijetesën. Në mungesë të trajnerit Julian Ahmataj, para mediave doli zëvendës-trajneri Gentjan Liçi, i cili theksoi se kjo pikë mund t’i shërbejë skuadrës për moralin.
“Më e rëndësishme se pika vlen morali. Kemi nevojë për shtysë dhe mendoj se vazhdimësia do të jetë akoma më e mirë. Sigurisht që na duhet vazhdimësi, nuk jemi në moment të mirë. Ideja e klubit ishte të promovonim lojtarë të rinj, por është e vështirë në Superiore. Ne i kemi zgjedhur në verë mbi 100 të cilët erdhën në provë. Morëm më të mirët, por pamë se kishim probleme në mbrojtje si ekip. U munduam të rregullojmë ato pozicione ku kishim nevojë më shumë”, përfundoi Liçi.