Trajneri Hasan Lika nuk e nisi në mënyrë të mirë aventurën e tij në drejtimin e Luftëtarit, por duhet thënë se skuadra e tij sot zhvilloi një ndeshje mjaft të mirë, pavarësisht rezultatit.
“Në futboll fiton skuadra që shënon gola, jo ajo që luan më mirë. Ne sot i patëm mundësitë, por nuk dërguam topin në rrjetë. Jam i mërzitur, por futbolli ky është”, tha durrsaku.
Lika ka rezerva edhe për golin e Bakajt, si për gjyqtarin, por edhe për mungesën e Fair Play-t, nga ana e sulmuesit të Kukësit, Bakaj.
“Nuk po pretendoj që ishte pozicion, por vërshëllima krijoi konfuzoin dhe gjyqtari duhej të kishte ndërprerë ndeshjen, sepse Beqiri e la topin. Pastaj edhe Bakaj, nuk pranoi të bëjë Fair Play-n, e nevojshëm në këto raste”, tha durrsaku i Luftëtarit.
Hasan Lika vlerësoi gjendjen e ekipit dhe u shpreh se ka besim që skuadra do të futet në rrugën e duhur shumë shpejt, pavarësisht humbjes, ndoshta të pamerituar të sotme.
