Sabien Lilaj ishte heroi i Skënderbeut në finalen e Kupës, jo vetëm për golin e vetëm të sfidës, pro edhe për lojën konstante gjatë gjithë 90-minutëshit dhe sezonit në tërësi. Mesfushori komentoi për Supersport emocionin e këtij triumfi, por edhe të ftesës nga Kombëtarja.
Ku e gjeni qetësinë për të shënuar këto 11-metërsha deçizivë?
Besoj se kjo vjen për shkak të eksperiencës së madhe, por edhe për shkak të faktit që jam natyrë e qetë edhe në jetë.
Pas pak orësh do të niseni për në Zvicër, ku ju pret Kombëtarja…
Ka qenë një vit mjaft i mirë për mua dhe Skënderbeun, që solli edhe ftesën për në Kombëtare. Jam i lumtur dhe i gatshëm për të dhënë kontributin tim edhe te Shqipëria.
Kush ju shijoi më shumë, goli ndaj Dinamos së Kievit, apo ky sot?
Ai ndaj Dinamos së Kievit kishte më shumë emocione. Sot ne vinim pas 4 ditësh festë dhe ky gol ishte brenda festës (qesh).