Marcello Lippi ka vendosur të rikthehet në krye të përfaqësueses së Kinës, vetëm pak muaj pasi dha dorëheqjen nga detyre për shkak të mosarritjes së rezultateve.
Konfirmimi vjen nga mediet kineze, që informojnë se drejtuesit e Federatës Kineze të Futbollit dhe trajnerin i famshëm italian kanë gjetur gjuhën e përbashkët e së shpejti do të zyrtarizojnë kontratën e re me kohëzgjatje 4-vjeçare.
Objektivi i parë dhe më i rëndësishëm i 71-vjeçarit do të jetë kualifikimi i Kinës në Kupën e Botës të vitit 2022, që do të zhvillohet në Katar. Tjetër objektiv është avancimi i përfaqësueses aziatike të paktën deri në gjysmëfinale të Kupës së Azisë së vitit 2023.
Marcello Lippi do të marrë vendin e Fabio Cannavaros, që qëndroi vetëm dy muaj në këtë detyrë, pasi nuk gjeti gjuhën e përbashkët me drejtuesit e Federatës.