Vala Superliga sapo është mbyllur dhe ka dhënë verdiktet e sezonit, teksa mbeten vetëm për t’u luajtur dy sfidat e Play Out-it, për të përcaktuar përfundimisht përbërjen e kampionatit për sezonin e ardhshëm.
Në tabelën përfundimtare, Liria e Prizrenit është pozicionuar në vendin e 7, gjë që ka sjellë reagimin e drejtuesve të kësaj skuadre. Sipas tyre skuadra është renditur në vendin e 5-të dhe kërkojnë korrigjimi ne menjëhershëm të gabimit të bërë nga FFK-ja.
Rregullorja e thotë qartë që kur dy a më shumë skuadra kanë të njëjtën sasi pikësh, renditja përcaktohet nga bilanci i përballjeve direkte. Liria ka bilanc më të mirë se Feronikeli dhe Drenica, në përballjet direkte, skuadra me të cilat kanë të njëjtën sasi pikësh.