Xavi Hernandez ka bërë publike këtë të mërkurë në mëngjes listën e skuadrës për ndeshjen e kthimit të raundit të 1/16-ave të Europa League ndaj Manchester United, që do të luhet këtë të enjte në “Old Trafford” në orën 21:00.
Pas takimit të parë që u mbyll me rezultatin 2-2 në “Camp Nou”, kualifikimi për raundin tjetër do të vendoset në shtëpinë e “Djajve të Kuq”. Gjithçka është e hapur dhe të dy skuadrat do të kërkojnë fazën tjetër me një tjetër ndeshje spektakolare, ashtu si ajo në Katalunjë javën e kaluar.
Lexo edhe:
- “Asgjë nuk ka mbaruar”, Spalleti: Nuk dua eufori nga lojtarët, përndryshe të rrinë në shtëpi!
- Klopp: Morëm një goditje të madhe, por luaj për kualifikim në Madrid
- Wilfried Zaha drejt Al Nassr, arabët gati për goditjen e radhës
- Benzema e thotë troç: Duam ta fitojmë sërish Champions-in!
Trajneri Xavi ka publikuar edhe listën e futbollistëve që do të marrë me vete në Manchester, ku vlen të theksohet se nuk ka surpriza. Nuk do të udhëtojë me ekipin Gavi, që është i pezulluar. Gjithashtu do të mungojnë edhe Ousmane Dembele e Pedri, të dy të dëmtuar.
Lista e Xavi-t:
Portierë: Ter Stegen, Inaki Pena dhe Arnau Tenas
Mbrojtës: Ronald Araujo, Jules Kounde, Andreas Christensen, Eric Garcia, Marcos Alonso, Jordi Alba dhe Alejandro Balde
Mesfushorët: Sergio Busquets, Frenkie de Jong, Sergi Roberto, Franck Kessie, Pablo Torre dhe Marc Casado
Sulmues: Robert Lewandowski, Raphinha, Ferran Torres dhe Ansu Fati
