Pas 6 fitoresh radhazi Sampdoria pësoi humbjen e parë në këtë sezon të Serisë A në Luigi Ferraris. Dorianët u mposhtën 1-2 nga Lazio që përmbysi rezultatin në 10 minutat e fundit. Bardhekaltrit pas 2 javëve pa fitore u rikthyen te suksesi dhe e bënë këtë në një fushë të vështirë përballë skuadrës surprizë të këtij sezoni. Formacioni i Simone Inzaghit ruajti hapin e skuadrave pretendente. Në pjesën e parë Thomas Strakosha mbajti në lojë Lazion me dy pritje të bukura por në minutën e 56-të portieri shqiptar nuk mund të bënte asgjë përballë Duvan Zapatës që përfitoi nga një largim jo i mirë i topit nga ana e mbrojtësve të Lazios duke zhbllokuar shifrat. Megjithatë atëherë kur Lazio dukej e dorëzuar dhe gjithçka po shkonte drejt një fitoreje të vendasve erdhi edhe përmbysja e madhe e bardhekaltërve që fillimisht barazuan rezultatin me Milinkovic-Savic dhe më pas kaluan në avantazh në minutat shtesë me sulmuesin ekuadorian Felipe Caicedo i cili ardhur në fushë nga stoli rezultoi vendimtar në fitoren e Lazios.
90+1′-Felipe Caicedo i jep avantazhin Lazios duke shënuar një gol të rëndë që shokon Sampdorian
81′-Marusic nuk shfrytëzon siç duhet një kundërsulm të miqëve pasi gabon në goditje
80-Milinkovic-Savic përfiton nga një top i mbetur në zonë, me mesfushorin serb që nuk i jep asnjë shans Vivianos duke barazuar rezultatin
76′-Gaston Ramirez i dëmtuar i lë vendi Ricky Alavarezit
74′-Probleme për uruguianin e Sampdorias, Gaston Ramirez
56′-Nga një largim jo i mirë i topit i mbrojtjes së Lazios përfiton Duvan Zapata i cili i vetëm përballë Strakoshës nuk fal duke i dhënë epërsinë vendasve
52′-Me fat Sampdoria pasi goditja nga distanca ndalet nga shtylla me topin që më pas përfundon në duart e Vivianos
-Fillon pjesa e dytë, në këto 45 minuta të dyja skuadrat do të kërkojnë me çdo kusht fitoren pasi barazimi nuk i bën punë asnjërës
-Përfundoi në barazim pa gola pjesa e parë me Sampdorian që e nisi më mirë, por Strakosha u shfaq në lartësinë e duhur ndërkohë që edhe Lazio në fundin e pjesës së parë u shfaq rrezikshëm te porta e Vivianos duke krijuar disa mundësi të mira
35′- Fillimisht Viviano dhe më pas Bereszynski, i heqin mundësinë e golit Lazios pas tentativave të Immobiles dhe Luis Albertos
31′-Strakosha me këmbë ndal goditjen e Zapatës dhe i mohon festën e golit sulmuesit kolumbian
28′-Jashtë edhe tentativa e Radu nga distanca
24′-Rreziku kalon në portën tjetër me goditjen e Gaston Ramirez nga distanca që prek rrjetën e jashtme
22′-Rasti më i mirë për Lazion por goditja e Luis Albertos përfundon për fare pak jashtë.
15′ – Pranë golit Lazio me Parolon që godet rrezikshëm me kokë, por gjen vetëm rrjetën e jashtme
13′-Torreira provon nga distanca por pa rrezik për Strakoshën
8′ – Sampdoria ka rastin e parë të mirë, por Strakosha grushton në goditje këndi
6′ – Përplasje e rëndë Luliç-Barreto, me kapitenin e Lazios që dëmton kundërshtarin
3′ – Torreira kroson në zonë, por largon De Vrij që rrezikon të befasojë Strakoshën
Formacionet zyrtare:
