Rikthimi te titulli kampion pas një periudhe pritjeje prej 30 vitesh, duket një formalitet për Liverpoolin, që sot regjistroi suksesin e 24-t radhazi në 2 ndeshje të kampionatit, duke mposhtur Southamptonin me rezultatin e thellë 4-0.
“The reds” po bëjnë një sezon fantastik dhe janë ende të pamposhtur në kampionat, teksa numërojnë 24 fitore dhe 1 barazim, ndërsa momentalisht kanë një distancë prej 22 pikësh me Manchester Cityn që mban vendin e dytë.
Në “Anfield Road” Southamptoni arriti të rezistojë vetëm 47 minuta lojë, pasi atëherë ishte mesfushori Oxlade-Chamberlein që shënoi golin e avantazhit për skuadrën e Klopp, ndërsa më pas ishin Henderson dhe dy herë Salah, që kompletuan suksesin.
Ndonëse e pa veten shpejt në disavantazh të dy golave, reagoi mjaft mirë edhe Evertoni i Carlo Ancelottit, që arriti të triumfojë me rezultatin 2-3 në transfertën ndaj Watfordit, ku luajti për disa minuta me një lojtar më pak.
Dy gola të mbrojtësit Jerry Mina në minutat shtesë të pjesës së parë dhe një tjetër e mesfushorit Theo Walcott në minutat e fundit të ndeshjes, bënë që Everton të merrte një tjetër sukses, që e ngjit në vendin e 9.
Në sfidat e tjera, West Ham dhe Brighton u ndanë në barazim 3-3, ndërsa me rezultatin e bardhë 0-0 u mbyll takimi Newcastle-Norwich. Bournemouth mposhti 2-1 Aston Villën, ndërsa Sheffield Utd. triumfoi minimalisht 0-1 në transfertën londieze ndaj Crystal Palace.
