Connect with us

Hi, what are you looking for?

Premier League

Liverpool për rekord, siguron Championsin 3 muaj para fundit të sezonit

Kampionati i futbollit më i bukur në botë, ai anglez, ndryshe nga sa ishim mësuar në vitet e tjera kur gjithçka vendosej në javët e fundit, po i jep shumë shpejt verdiktet e këtij sezoni, kjo prej formës fantastike të Liverpool.

“The reds” kanë fituar 25 nga 26 ndeshjet e luajtura dhe nuk e njohin ende humbjen këtë sezon, duke u ngjitur në kuotën e 76 pikëve dhe duke vënë të dyja duart te titulli kampion, ndonëse duhet edhe pak që ta marrin matematikisht atë.

Megjithatë skuadra e drejtuar nga Jurgen Klopp ka siguruar matematikisht pjesëmarrjen në edicionin e ardhshëm të Ligës së Kampionëve, pasi me 12 javë të mbetura në dispozicion, ka 37 pikë diferencë nga Sheffield United, që mban aktualisht vendin e pestë.

Ky është një rekord absolut për kampionët në fuqi të Europës, që sigurojnë pjesëmarrjen në Champions që në mes të muajit shkurt dhe rreth 3 muaj para se të përfundojë kampionati, ndërsa Klopp mund të qëndrojë i qetë me statistikat e skuadrës së tij.

Kjo pasi Liverpool ka regjistruar 17 fitore radhazi, ka sulmin e dytë më të mirë (61 gola nga 65 që ka shënuar sulmi i City-t) dhe ka mbrojtjen më të mirë me vetëm 15 gola të pësuar, ndërsa skuadra që e ndjek është Leicester që e ka nxjerrë 26 herë topin nga rrjeta.

Nga fillimi i sezonit e deri tani Liverpool ka pësuar vetëm dy humbje, një në Champions përballë Napolit dhe një tjetër përballë Aston Villës në Carabao Cup, ku luajtën me skuadrën e të rinjve, për shkak të angazhimit në Botërorin për Klube.

Megjithatë duke qenë se tani fillon pjesa më e vështirë e sezonit, Liverpool mund të mbyllë shumë shpejt llogaritë me titullin kampion, pasi në rastin më të keq i duhen vetëm 15 pikë për të nisur festën dhe për t’u përqendruar në Ligën e Kampionëve.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...