Liverpooli po eksploron një objektiv të ri për mesfushën. Bëhet fjalë për talentin e spikatur të Red Bull Leipzig, Dominic Szobaszlai.
“The Reds” kanë hapur bisedimet me klubin gjerman, por nëse e kanë serioze tentativën e tyre për “xhevahirin” hungarez duhet t’i përshpejtojnë negociatat e tyre, pasi klauzola e lirimit prej 60 milionë paundësh e Szobaszlait skadon të premten, më 30 qershor.
22-vjeçari ka qenë një prej futbollistëve më të spikatur të Leipzigu sezonin e kaluar, teksa përveçse nga Liverpooli ndiqet edhe nga Newcastle United.
Szobaszlai është objektivi nr. 1 për “The Reds”, por nëse dështojnë në negociatën e tyre, kanë gati planin B, që është Romeo Lavia i Southamptonit.
Lexo edhe:
- Kërkohej nga Milan e PSG, sulmuesi i Chelsea-t nis bisedimet me Al-Nassr
- Walker mendon largimin nga City, Bayern e pret krahëhapur
- Dzeko preferon Fenerbahce para Interit, shpejt takohet me drejtuesit e klubit turk
- Alvaro Morata drejt Arabisë, spanjolli “tundohet” nga superoferta
Szobaszlai është një lojtar kyç edhe për Hungarinë, teksa në 32 ndeshje ka shënuar 7 gola. Ndërkohë që për Leipzigun ka luajtur në total 68 ndeshje, ndërsa ka realizuar 12 herë.
Mbetet për t’u parë nëse drejtuesit e “The Reds” do t’ia plotësojnë këtë dëshirë në merkato Jurgen Kloppit, me trajnerin gjerman që dëshiron me çdo kusht të përforcojë mesfushën me një tjetër futbollist me vlera, edhe pse më herët transferuan edhe argjentinasin Alexis Mac Allister.
