7 nga 7, Liverpooli i Jurgen Klopp nuk di të ndalet. 21 pikë pas 7 javësh për The Reds që vazhdojnë marshimin në Premier League. Në transfertën e Bramall Lane ndaj Sheffield United nuk rezultoi aq e lehtë sa parashikohej, fitorja për Liverpoolin që iu fal një gafe të rëndë të portierit Henderson pas goditjes pa shumë pretendime të Wijnaldum në minutën e 70-të. Një gol jetik ky që zhbllokoi një ndeshje që deri në ato momente ishte e vështirësisë maksimale për Liverpoolin që gjithsesi u largua nga Bramall Lane me 3 pikë të arta në garën për titull.
