Liverpooli zyrtarizoi nënshkrimin me “yllin” e Red Bull Salzburgut Takumi Minamino për vetëm 7.25 milion paundë. Kryesuesit e Premier League-s mposhtën rivalët e Manchester United në blerjen e sulmuesit japonez, i cili bëri përshtypje gjatë dy takimeve në Champions kundër “The Reds” në këtë sezon.
“Ka qenë ëndrra ime për t’u bërë një lojtar i Liverpool-it. Jam shumë i emocionuar që erdhi momenti që kjo ëndërr të bëhet realitet. Premier League ishte një nga objektivat e mia, por kurrë nuk kam menduar se do të isha në gjendje që të luaja në këtë ekip. Jam vërtet i lumtur për këtë.”
24-vjeçari Minamino, i cili do të veshë fanellëm me nr 18 në “Anfield”, do të bashkohet zyrtarisht me Liverpoolin kur të hapet dritarja e transferimit në 1 janar.
Ai iu nënshtrua testeve mjekësore dhe nënshkroi kontratën e tij të mërkurën dhe mund të bëjë debutimin e tij për klubin kundër rivalëve të Merseyside në raundin e tretë të FA Cup, më 5 janar.