Përfundoi me një barazim 1-1 ndaj Koresë së Jugut turi aziatik i përfaqësues serbe që po përgatitet për Botërorin Rusi 2018. Pas suksesit në miqësoren e parë me shifrat 0-2 ndaj Kinës, skuadra e trajnerit Krstajic u frenua nga Korea e Jugut një tjetër kombëtare që ka siguruar një biletë në Kupën e Botës. Në minutën e 59-të, sulmuesi i Torinos, Adem Ljajic i dha avantazhin përfaqësueses ballkanase por shumë shpejtë koreano-jugorët të cilët vinin në këtë sfidë pas suksesit ndaj Kolumbisë, barazuan shifrat me penalltinë e kthyer në gol nga Koo-Ja-Cheol. Në Ulsan deri në fund nuk kishte më gola me Korenë e Jugut e Serbinë që u kënaqën me një barazim.
