Qendërmbrojtësi shtatlartë, Taulant Haliti, ka nënshkruar kontratë profesionale me Llapin. Haliti i bashkohet vargut të shumtë të futbollistëve të rinj që premtojnë për të ardhmen, andaj klubi ka vendosur ta blindojë për 5 vitet e ardhshme.
Taulant Haliti, 18 vjeç, i lindur më 20.03.2001 në Podujevë, i gjatë 1.86 m, ka qenë pjesë e KF Ramiz Sadikut, ku u shpall kampion në rajonin e Prishtinës dhe kampion i Kosovës. Taulanti u shpall futbollisti më i mirë në vitin e kaluar për kategorinë U-17 të Kadetëve.