Një gol i mbrojtësit shqiptar Elvis Prençi, 10 minuta përpara fundit të takimit, i dha fitoren 1-0 Llapit në transfertën e vështirë ndaj Gjilanit me skuadrën nga Podujeva që arriti një sukses shumë të rëndësishëm që mund ta afrojë me kreun në rast se Prishtina ndal Feronikelin. Ajo mes intelektualëve dhe llapjanëve ndeshje e vlefshme për javën e 21-të të Ipko Superligës së Kosovës, ishte një sfidë shumë e rivalizuar me miqtë që morën maksimumin e pikëve vetëm falë një episodi edhe Llapi ishte disi më kërkues gjatë gjithë takimit. Në ndeshjen e tjera spikat fitorja e Lirisë së Prizerinit në fushën e Trepça ’89. Nisi në mënyrën më të mirë aventura e trajnerit të ri Celina në stolin e Lirisë që mori një fitore jetike në Mitrovicë me shifrat 1-2. Goli i Ilir Mustafës në minutën e parë shtesë i dha tre pikë të arta skuadrës nga Prizreni në garën për mbijetesë. Bëri detyrën Ferizaj që triumfoi 4-1 me përmbysje ndaj KEK-ut falë edhe një dygolëshi të Burim Shabanit. Ndërkohë që nuk shfrytëzoi dot faktorin fushë Drenica që barazoi 1-1 në shtëpi me Flamurtarin.
