Llapi fiton Kupën e Kosovës për herë të dytë në histori. Skuadra nga Podujeva mposhti 2-1 Dritën në finalen e luajtur në stadiumin “Fadil Vokrri” të Prishtinës.
Meksikani Franciso Rivera kaloi skuadrën e Batatinës në avantazh në minutën e gjashtë, por “Intelektualët” barazuan pas gjysmë ore lojë me anë të Hamdi Namanit (37’).
Llapi e filloi mirë edhe fraksionin e dytë të takimit. Arbnor Ramadani realizoi golin e fitores (48’). Llapi menaxhoi avantazhin dhe në fund nisi festën e madhe.
Të dy skuadrat dardane e kanë siguruar kualifikimin në Conference League nga kampionati, ndërsa Llapi dërgon Kupën për herë të dytë në Podujevë.
Kupa e Kosovës
Finalja
Llapi-Drita 2-1
(Rivera 6′, Ramadani 48′ / Namani 37′)