Elvic Prençi do të qëndrojë të paktën edhe një në IPKO Superligën e Kosovës. Mbrojtësi dibran, i cili ka luajtur për shumë skuadra në Kategorinë Superiore (Kukësi, Partizani, Teuta, Korabi, Lushnja) ka firmosur kontratën e re me drejtuesit e Llapit për edicionin 2020/21. 27-vjeçari rezulton të jetë futbollisti me më shumë paraqitje në këtë sezon te skuadra nga Podujeva. Duke parë rëndësinë e tij për skuadrën dhe kontributin që jep në fushën e lojës, klubi menjëherë ka finalizuar marrëveshjen e re me këtë futbollist.
Prençi, prej një viti e gjysmë ka qenë i pazëvendësueshëm te Llapi, ndërsa në edicionin 2019/20 ka zhvilluar gjithsej 32 ndeshje (31 kampionat e 1 në Kupë), duke realizuar edhe 1 gol.