I intervistuar nga kanali zyrtar i Serie A, Ruben Loftus-Cheek, mesfushori i Milanit, ka prekur tema të ndryshme të futbollit italian, duke nisur nga derbi i ardhshëm, për të cilin u shpreh se është një ndeshje në të cilën ëndërron të luajë.
“Pyeta shokët e mi se si është atmosfera. Ata më thanë se do ta kuptoj vetë kur të jemi aty. Mezi pres të luaj një ndeshje si kjo. E di sa e rëndësishme është për tifozët dhe për klubin. Këto janë ndeshjet që të gjithë ëndërrojnë t’i luajnë”-deklaroi ai.
Lexoni edhe:
- Wilson rinovon me Newcastle, sulmuesi: Dua të thyej rekorde me golat e mi
- Ndryshon pronësia, Everton blihet nga fondi që zotëron Genoa, Hertha Berlin dhe shumë klube të tjerë
- Rikthimi i Neuer, Tuchel zbulon ditën e bashkimit me skuadrën
- Investimet e FSHF në infrastrukturë nuk ndalen, Presidenti Duka inauguron një tjetër fushë të re në Kamëz
Më tej duke folur për Milanin, lojtari “kuqezi” theksoi: “E kuptova se çfarë do të thotë të veshësh këtë fanellë. Mbështetja e tifozëve na shtyn gjithmonë të japim më të mirën tonë. Zhurma e San Siros në golin tonë të parë (kundër Torinos) është diçka që nuk do ta harroj kurrë. Ishte fantastike ‘një tingull i çmendur’.”
Ndërsa sa i përket titullit, Loftus-Cheek theksoi se është një objektiv, ndërsa më tej u shpreh se janë me këmbë në tokë dhe se e dinë që është e vështirë.
“Fitimi i titullit do të ishte i mrekullueshëm, është një objektiv brenda mundësive tona. E nisëm mirë, por e dimë se sa i vështirë është ky kampionat. Do të japim gjithmonë më të mirën tonë, pastaj në fund do të shohim se ku do të kemi mbërritur.”-shtoi ai.
Derbi Inter-Milan do të luhet të shtunën duke nisur nga ora 18:00 dhe do të transmetohet live në SuperSport/Digitalb.
