Një aksion model me protagonistë kryesorë Cengiz Under dhe Jammie Vardy, që përfundoi me golin spektakolar të sulmuesit angez, vendosi sfidën mes Arsenalit dhe Leicester City-t të zhvilluar në “Emirates Stadium”. Mjaftoi ky eposid që “Dhelprat” të merrnin një fitore shumë të rëndësishme përballë “Topçinjve”, që edhe pse ishin dominues në lojë, pësuan humbjen e dytë radhazi dhe të tretën sezonale në Premier League.
Lacazette, të cilit iu anulua një gol për pozicion jashtë loje dhe Bukayo Saka ishin të pafat gjatë fraksionit të parë, ndërsa në minutën e 68-të ishte radha e Bellerin për të shpërdoruar një mundësi të mirë. Dhe ligji i futbollit në këto raste është i pamëshirshën:nëse nuk shënon, e pëson. Një top i gjatë perfekt për Under e nxori në pozicion të volitshëm futbollistin turk, i cili, edhe pse kishte mundësi të shënonte vetë, pasoi për Vardy-n, që bëri më të mirën me kokë përballë Lenos, me topin që përshëndeti rrjetën në minutën e 80-të. Pikërisht ky gol vendosi sfidën, të cilën Arsenali aq që e kishte menduar se do ta humbiste.
