UEFA ka publikuar listën me tre kandidatët finalë, që do të garojnë për t’u përzgjedhur lojtari më i mirë i sezonit futbollistik që sapo u mbyll.
Çudia më e madhe është që mungon ylli argjentinas Lionel Messi, ndërsa Cristiano Ronaldo, Luka Modriç dhe Muhamed Salah, do të jenë lojtarët që do të diskutojnë këtë trofe.
Fituesi votohet nga një panel prej 80 trajnerësh, që kanë drejtuar skuadra në Champions dhe Europa League, si dhe 55 gazetarë, të propozuar nga federatat e anëtarësuara në UEFA.
Fituesi do të shpallet më datë 30 Gusht në Monaco, ndërsa ajo që vërehet, është se të tre futbollistët pretendentë, janë pjesëmarrës në finalen e Ligës së Kampionëve në Kiev.