Java e 24-t e Kategorisë Superiore do të luhet në dy ditë të premten dhe të shtunën. Gjithçka do të nisë të premten me derbin e kryeqytetit Tirana-Partizani ndërkohë që të shtunën do të luhen 4 sfidat e tjera të cilat janë ndarë në dy fasha oraresh, 14:00 dhe 17:00, por mesa duket sëfundmi ka patur një ndryshim në lidhje me takimin Vllaznia-Skënderbeu që ishte në program të shtunën në orën 17:00 në Loro Boriçi. Për shkak një problemi me ndriçimin në stadiumin e Shkodrës sfida është spostuar dhe do të luhet tre orë më herët, pra të shtunën në orën 14:00. Një ndryshim që me siguri nuk do t’u pëlqejë dy skuadrave por që nuk kanë rrugë tjetër veçse t’i përshtaten orarit të ri.
