Pak ditë para ndeshjes së kthimit me Shamrock Rovers, Teuta humb një nga pjesët e rëndësishme të formacionit në sezonet e fundit. Klubi durrsak ka njoftuar ndërprerjen e bashkëpunimit me Fabian Beqjan, mesfushorin 27-vjeçar, që është afruan në ekipin e parë të Teutës që në vitin 2011, kur ishte vetëm 17-vjeç.
Njoftimi i Teutës:
“Pas 10 vitesh dhe 3 trofe të fituar, Fabian Beqja largohet nga Teuta. Beqja spikati në Akademinë e Teutës, dhe u afrua në ekipin e parë në 2011. Gjatë këtyre sezoneve ai ka fituar tre trofe me fanellën blu, ndërsa ka grumbulluar 114 ndeshje dhe 5 gola. KF Teuta falënderon Fabian Beqajn për gjithë kontributin e dhënë përgjatë aventurës së tij me “Djemtë e Detit”. Beqaj meriton një vend në histori për gjithçka ka dhënë dhe sidomos për titullin e fituar pas 27 vitesh. KF Teuta i uron suksese në vazhdim.”
