Ka përfunduar pa fitues derbi i Anamoravës, mes skuadrës së Gjilanit dhe asaj të Dritës, që u zhvillua mbrëmjen e sotme në stadiumin “Fadil Vokrri” të kryeqytetit, Prishtinës.
Sfida u karakterizua nga një luftë e fortë sportive, ku të dy skuadrat luajtën për pjesën më të madhe me nga një lojtar më pak, pasi Ansi Nika për Gjilanin dhe Haxhi Neziraj për Dritën, u ndëshkuan me karton të kuq.
Rastet më të mira për shënim erdhën vetëm në minutat shtesë, por gjithsesi asnjë prej skuadrave nuk arriti të konkretizojë me gol, dukë bërë që të ndajnë nga një pikë në këtë sfidë.
Derbi i Gjilanit këtë herë u zhvillua në Prishtinë, për t’u luajtur nën atmosferën e dritave, por kjo nuk i pengoi tifozëritë e të dy skuadrave, që të ishin të shumtë në numër.